|

काठमाडौं : असोज चार गतेबाट काठमाडौं जिल्लामा भेरोसेलको दोस्रो डोज लगाइने भएको छ। जिल्ला स्वास्थ्य कार्यालय काठमाडौंले दिएको जानकारीअनुसार पहिलो डोज भेरोसेल खोप लगाएकाहरूलाई तीन दिनसम्म दोस्रो डोज लगाइनेछ।

कार्यालयका प्रमुख बद्रबहादुर खड्काका अनुसार काठमाडौं महानगरपालिकाको ३२ वटै वडामा खोप लगाइँदैछ। वडाभित्रको तोकिएको ठाउँमा कार्ड देखाएर खोप लगाउन सकिनेछ।

त्यसैगरी, बूढानीलकण्ठ नगरपालिकामा १३, टोखा नगरपालिकामा ११, गोकर्णेश्वर नगरपालिकामा ९, शंकरापुर नगरपालिकाको ९,र कागेश्वरी मनोहरा नगरपालिकाको ९ स्थानमा खोप केन्द्र तोकिएको छ।

कीर्तिपुर नगरपालकिामा १० ठाउँमा दोस्रो डोज लगाइँदैछ भने चन्द्रागिरि नगरपालिकामा १५, नागार्जुन नगरपालिकामा १० , तार्केश्वर नगरपालिकामा ११, दक्षिणकाली नगरपालिकामा ९ खोप केन्द्रबाट भेरोसेलको दोस्रो डोज दिइन्छ।

यस्तै, काठमाडौं महानगरपालिकाको हकमा नेपाल प्रहरी अस्पताल, महाराजगञ्ज, सशस्त्र प्रहरी अस्पताल, बलम्बु, वीर अस्पताल, रत्नपार्क, शिक्षण अस्पताल, महाराजगञ्ज, निजामती कर्मचारी अस्पताल बानेश्वर, परोपकार प्रसूतिगृह, स्त्रीरोग अस्पताल, थापाथली र वीरेन्द्र सैनिक अस्पताल, छाउनीमा खोप केन्द्र तोकिएको छ।

 

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.