|

कञ्चनपुर : शुक्लाफाँटा नगरपालिका–८ मणिका टोलका दुर्गा बोहराको घर जंगली हात्तीको बथानले भत्काइदिएको छ। शनिवार बिहानको झिसमिसेमै आएको हात्तीको बथानले बोहराको घर भत्काउनुका साथै घरभित्र भण्डारण गरेर राखेको सबै अन्न समेत खाइदिएको छ।

भाँडाकुडा, महत्वपूर्ण कागजपत्र समेत कामै नलाग्ने गरी नोक्सानी गरेको वडा अध्यक्ष बहादुरसिंह महराले बताए। वर्षभरिका लागि भण्डारण गरेर राखेको अन्न हात्तीले खाइदिएको दुर्गा बोहराले बताइन्।

‘घरभित्रको सबै अन्न, ओढ्ने ओछ्याउने र लगाउने लत्ताकपडा, भाँडाकुडा समेत हात्तीको बथानले नोक्सानी पुर्याएर विचल्लीमा पारेको छ,’ उनले भनिन्, ‘आश्रय लिने त्यही घर थियो, त्यो पनि हात्तीले भत्काएपछि छिमेकीको घरमा शरण लिनु परको छ।’

हात्तीको बथानले घर भत्काउन थालेपछि भागेर ज्यान जोगाउनु परेको उनको भनाइ रहेको छ। यसैबीच, सुदूरपश्चिम प्रदेश सभा सदस्य महेशदत्त जोशीले हात्तीको बथानले क्षति पुर्याएका परिवारलाई भेटेर राहतका लागि पहल गर्ने अश्वासन दिएका छन्। 

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.