समाज

गोंगगुबमा टाउको काटेर हत्या : चितवनबाट एक महिला पक्राउ

साउन २६, २०७७

    चितवन : काठमाडौंको गोंगबुमा दाङका कृष्णबहादुर बोहोराको टाउको काटेर हत्या गरिएको घटनामा संलग्‍न भएको आशंकामा प्रहरीले चितवनबाट एकजना महिलालाई पक्राउ गरेको छ।

    पूर्वीचितवनको रत्‍ननगरस्थित माधवपुरबाट एकजना महिलालाई प्रहरीले सोमबार साँझ पक्राउ गरेको छ। गोंगबुस्थित गणेशस्थानमा दाङका कृष्णबहादुर बोहराको हत्या गरेर फालेको आरोपमा कल्पना शाहीलाई पक्राउ गरिएको चितवन प्रहरीले जनाएको छ।

    ती महिलालाई पक्राउ गरी जिल्ला प्रहरी कार्यालय भरतपुरमा ल्याइएको छ। ती महिला पक्राउ परेसँगै अन्य व्यक्तिको पनि खोजी भइरहेको चितवन प्रहरीले जनाएको छ।

    गोंगबुमा आइतबार विहान बोहोराको शरीरको मुख्य भाग सुटकेशमा भेटिएको थियो। टाउको र खुट्टा भने जेब्रा झोलामा फेला परेको थियो। मृतक बोहोराको शवको उनका मामाले सनाखत गरेपछि प्रहरीले अनुसन्धान तीव्र पारेको थियो।

    गोंगबुस्थित नवज्योति मार्गमा रहेको किरण बस्नेतको घरको तेस्रो तल्लामा हत्या गरेर बोहराको शवलाई ५० मिटर पर सडकमा फालिएको थियो। उनको टाउको र खुट्टा कुकुरको सहयोगमा फेला पारिएको थियो। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]