समाज

पर्सामा मात्रै थप ४५ प्रहरीमा कोरोना, प्रदेश २ मा थपिए १ सय ७९

साउन २३, २०७७

    जनकपुरधाम : प्रदेश २ मा आज ३१ महिलासहित १ सय ७९ जना कोरोना संक्रमित थपिएका छन्। योसँगै प्रदेश २ मा कोरोना संक्रमितको संख्या ५ हजार ५ सय १४ पुगेको छ।
    सामाजिक विकास मन्त्रालयका अनुसार पछिल्लो २४ घण्टामा सबभन्दा बढी पर्सामा १ सय ३३ जनामा कोराना पुष्टि भएको छ। 

    जसमध्ये जिल्ला प्रहरी कार्यालय वीरन्जका ४५ जना छन्। यस्तै वीरगन्ज महानगरपालिकाका ४२ जना र वीरगन्जकै सिरिसिया टोलका मात्रै २७ जना छन्। वीरगन्ज चिनीमिलका २ महिला र २ पुरुष कर्मचारीमा समेत कोरोना पुष्टि भएको छ। 

    यस्तै वीरगन्ज कारागारमा थप २ जना संक्रमित थपिएका छन्। नेसनल मेडिकल कलेज वीरगन्जका ३० वर्षीय पुरुष, श्रीपुर आर्मी व्यारेकका ५ जना र भेटनरी अस्पताल वीरगन्जका समेत १ जनामा कोरोना पुष्टि भएको छ।

    यस्तै सप्तरीमा १८ जना, धनुषामा १० जना, सर्लाहीमा ९ जना, बारामा ५ जना, रौतहटमा ४ जना र सप्तरीमा १ जना कोरोना संक्रमित थपिएका छन्। धनुषाका १० जनामध्ये ७ जना जनकपुरधाम उपमहानगरपालिकाकै छन्। 

    प्रदेश २ का विभिन्न आइसोलेसनबाट ४९ जनाले कोरोना जितेर डिस्चार्ज भएको मन्त्रालयका वरिष्ठ जनस्वास्थ्य प्रशासक विजय कुमार झाले जानकारी दिए। उनका अनुसार निको भएकामध्ये ९ जना महिला छन्।

    प्रदेश २ मा कोरोनाबाट मृत्यू हुनेको संख्या २५ पुगेको छ। जसमध्ये ५ महिला छन्। सबभन्दा बढी पर्सामा कोरोनाले १६ जनाको मृत्यु भएको मन्त्रालयले जनाएको छ।
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]