राजनीति

देउवा भेट्न बुढानिलकण्ठ पुगे जसपाका नेता

असार २३, २०७७

    काठमाडौं : प्रमुख प्रतिपक्षी दल नेपाली कांग्रेसका सभापति शेरबहादुर देउवाको निवासमा जनता समाजवादी पार्टीका नेताहरु छलफलका लागि पुगेका छन्।

    सभापतिको निवास बुढानिलकण्ठमा भएको भेटवार्तामा कांग्रेसको तर्फबाट सभापति देउवा, वरिष्ठ नेता रामचन्द्र पौडेल, उपसभापति विमलेन्द्र निधि, कृष्णप्रसाद सिटौला सहभागी छन्। उता जसपाको तर्फबाट उपेन्द्र यादव, बाबुराम भट्टराई, महन्थ ठाकुर र अशोक राई सहभागी भएको देउवाका स्वकीय सचिव भानु देउवाले थाहाखबरलाई जानकारी दिए। 

    दुई पार्टीको भेटमा नागरिकता विधेयक र पछिल्लो राजनीतिक घटनाक्रम बारे छलफल भएको बताइएको छ। नागरिकता विधेयकमा कांग्रेस र जनता समाजवादी पार्टीको धारणा एउटै छ।

    सत्तारुढ दल नेकपाले नेपाली पुरुषसँग विवाह गरेर आउने विदेशी महिलालाई विवाह गरेर आएको सात वर्ष पछिमात्रै अंगीकृत नागरिकता दिने निर्णय गरेको छ। त्यस्तै संसदीय समितिले पनि सोही निर्णय बहुमतबाट निर्णय गरी संसदमा प्रस्तुत गरेको छ। कांग्रेस र जसपाका सांसदहरुले यसको विरोध गर्दै आइरहेका छन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]