समाज

अस्पतालमै तड्पिएर ज्यान गुमाएका राजुको परिवारलाई ५ लाख

उपचार गर्न मानेका थिएनन् डाक्टर

असार १२, २०७७

    जनकपुरधाम : प्रादेशिक अस्पताल जनकपुरधामको इमर्जेन्सी कक्षमा उपचार नपाएर प्राण त्याग गरेका राजु सदाको परिवारलाई प्रदेश २ सरकारले ५ लाख रुपैयाँ सहयोग गर्ने घोषणा गरेको छ।

    आन्तरिक मामिला तथा कानुन मन्त्री ज्ञानेन्द्र यादवले सदाका परिवारलाई तत्कालै ५ लाख रुपैया आर्थिक सहयोग गर्ने जानकारी दिए। उनले घटनाको छानबिन गर्न स्वास्थ्य निर्देशनालयका निर्देशक हरिश्चन्द्र साहको संयोजकत्वमा तीन सदस्यीय समिति बनाएको समेत बताए।

    छानबिन समितिलाई सात दिनभित्र सामाजिक विकास मन्त्रालयमा प्रतिवेदन बुझाउन भनिएको छ। मन्त्री यादवले भने, 'समितिले घटनाको छानबिन सुरु गरिसकेको छ। छानबिनमा दोषी देखिने जोकोहीलाई कारबाही गरिनेछ।'

    सदाय धनुषाको हंसपुर नगरपालिका-७ का बासिन्दा हुन्। भारतबाट फर्केपछि उनी १७ दिन गाउँकै क्‍वारेन्टाइनमा र १३ दिन आइसोलेशन कक्षमा बसेका थिए। आइसोलेशनमा बसेका बेला झाडापखाला लागेपछि उनलाई सोमवार दिउँसो इमर्जेन्सी कक्षमा लगिएको थियो।

    तर इमर्जेन्सी कक्षमा उनको उपचार गर्न कुनै डाक्टर तयार भएनन्। कोरोना संक्रमणको आशंकामा डाक्टरले उपचार नगर्दा छटपटिएर बेडबाट खसेपछि उनको मृत्यु भयो। यो घटना लुकाउने प्रयाससमेत अस्पताल प्रशासनले गरेको थियो।

सन्तोष यादव

यादव थाहा खबरका धनुषा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]